Shėnuesi i dy golave gjatė fitores sė mbrėmshme tė Gjermanisė nga Polonisė, Lukas Podolsky, ka thėnė se kishte emocione tė pėrziera pas shėnimit kundėr vendit ku ėshtė lindur.
Gjermania fitoi me rezultat 2-0 dhe të dyja golat u shënuan nga lojtari i Bayern Munichut, Podolsky, në minutën e 20-të dhe 72-të, i cili nuk e festoi asnjërin gjatë kësaj ndeshje të grupit B.
Me sa duket kam ndjenja të përziera. Kam lindur në Poloni dhe kam një familje të madhe atje, andaj është gjë e rëndësishme për mua, ka thënë Podolsky.
Ndërkaq, kapiteni i kombëtares gjermane, Michael Ballack, ka thënë se vendimtare për kalimin e nga faza grupore do të jetë ndeshja ndaj Kroacisë.
Ishim shumë të koncentruar dhe bëmë vetëm disa gabime, dhe mbase mund të kishim shënuar edhe një ose dy gola të tjerë. Ne i goditëm në momentin e duhur. Në përgjithësi e merituam fitoren, ka thënë Ballack.
Kundër Kroacisë mund të vendoset gjithçka në fazën e grupeve dhe ne dëshirojnë që ta fitojmë këtë ndeshje, ka shtuar kapiteni i Gjermanisë.
