Legjenda e futbollit portugez, Rui Costa, është i sigurt se spekulimet për transferimin e Cristiano Ronaldos nuk do të ndikojnë në lojën e tij.

Çdo ditë paraqiten zëra rreth të ardhmes së Cristiano Ronaldos dhe kalimit të tij tek Real Madrid, por Rui Costa beson se bashkëkombësi i tij është tërësisht i koncentruar në kampionatin evropian.

“Ronaldo është tërësisht i përqendruar në turne. Meqë kishte një sezon fantastik, mendja e tij është e kthyer tash kah kombëtarja. Mendoj se ai është më i miri në botë dhe është i gatshëm t’i plotësojë pritjet e mëdha që kërkohen nga ai”, ka përfunduar Rui Costa.