Ēmimi me pakicė i benzinave prej sonte nė mesnatė rritet pėr dy denarė, pėrderisa dizeli shtrenjtohet pėr gjysmė denari.
Kështu vendosi Komisioni rregullator për energjetikë në seancën e sotme të rregullt, dedikuar korrigjimit të çmimeve të derivateve të naftës.
Në pajtim me vendimin, çmimi i MB-96 prej 76.50 den/lit rritet në 78.50 den/lit, i EUROSUPER-95 prej 73.50 den/lit rritet në 75.50 den/lit, ndërsa i EUROSUPER-98 prej 74.00 den/lit rritet në 76.50 den/lit.
Çmimi me pakicë i EURODIZEL (D-E IV) prej 74.00 den/lit rritet në 74.50 den/lit, i Vajit ekstra të lehtë për amvisëri prej 62.50 den/lit rritet në 63.00 den/lit dhe i Vajit ekstra të lehtë për amvisëri - 1 (EL-1) prej 63.00 den/lit rritet në 63.50 den/lit.
Njëherit është vendosur të shtrenjtohet edhe mazuti për 1,042 den/kg, kështu çmimi i mazutit M-2 rritet prej 31.371 den/kg rritet në 32.413 den/kg.
Shtrenjtimi më i ri i derivateve të naftës në Maqedoni arsyetohet me shtrenjtimin e çmimit mesatar të naftës së papërpunuar në tregjet botërore, e cila gjatë dy javëve të fundit mesatarisht shitej për 127.714 dollarë për fuçi.
Çmimi i naftës gjatë fundjavës së shkuar u ngjit në 138 dollarë rekord për fuçi, që do të thotë se nëse kjo mesatare qëndron aty edhe gjatë dy javëve të ardhshme, mund të pritet shtrenjtim i ri i madh i benzinave në Maqedoni.
