Shtėpia Botuese Toena do tė ofrojė botimet e saj pėr shqiptarėt qė jetojnė nė Athinė dhe Pire tė Greqisė gjatė edicionit tė 10-tė tė Festivalit Multikulturor tė Athinės, njė aktivitet tradicional qė organizohet nga Klubi i UNESCO-s dhe Ishujve nga 7 deri mė 22 qershor.
Shqipëria merr pjesë për herë të tretë në këtë Festival, përfaqësuar nga Shtëpia Botuese Toena, e cila paraqitet me botimet e saj dhe një përzgjedhje nga shtëpitë e tjera botuese, sipas një njoftimi për shtyp të kësaj shtëpie botuese.
Edhe në vitet e kaluara libri shqip ka tërhequr vëmendjen e një numri të madh lexuesish emigrantë që jetojnë në Athinë dhe zonat përreth. Librat historikë, letërsia për fëmijë, botimet enciklopedike, hartat e guidat e ndryshme, por edhe letërsia artistike bashkëkohore dhe e traditës kanë qenë nga librat më të kërkuara nga emigrantët vitet e kaluara.
Ndërkohë sipas njoftimit, në stendën shqiptare do të ekspozohen dhe shiten edhe objekte dhe punime të ndryshme artistike shqiptare, me motive tradicionale e kombëtare shqiptare.
Një nga mbrëmjet i është kushtuar edhe muzikës tradicionale shqiptare, programuar të organizohet të enjten, 12 qershor. Në përbërje të programit të grupit shqiptar do të ketë këngë polifonike nga grupet e njohur Lot kurbeti dheVëllazërimi.