Real Madrid është i gatshëm të bëjë hapin e parë të këtij afati kalimtar veror, në luftën për të marrë shërbimet e anësorit të Manchester United, Cristiano Ronaldo.

Siç ka shkruar “Times”, burime nga Madrid kanë dhënë shenja se kampioni spanjoll do të ofrojë një shumë afër 75 milionë euro për Ronaldon, në momentin kur Portugalia do të eliminohet nga kampionati evropian, ose, nëse arrin në finale, atëherë pas datës 29 qershor.

Presidenti i Realit, Ramon Calderon, ka thënë së fundi se është i ngazëllyer me zhvillimet e tri javëve të kaluara, gjatë të cilës periudhë Ronaldo shfaqi dëshirën e tij për të kaluar tek kampioni spanjoll.

Real shpreson se lojtari do të ta detyrojë Manchesterin të lejojë largimin e tij, duke i kërkuar transferim pas përfundimit të Euro 2008.