Sipas Riçard Pajk, i cili tani është drejtor i Kompanisë kimike mbretërore, i gabueshëm është pohimi se në botë, dalëngadalë por sigurt po harxhohen rezervat e naftës.

Rezervat e naftës janë dy herë më të mëdha se sa deklarojnë prodhuesit e mëdhenj, vlerëson një ish- këshilltar në industrinë e naftës në Britaninë e Madhe, shkruan gazeta Independent. Sipas Riçard Pajk, i cili tani është drejtor i Kompanisë kimike mbretërore, i gabueshëm është pohimi se në botë, dalëngadalë por sigurt po harxhohen rezervat e naftës. Sipas tij, këtë gënjeshtër e plasojnë kompanitë e naftës të cilat janë të kënaqura nga çmimet e larta të këtij burimi të energjisë. Pajk konsideron se ekzistojnë dëshmi se prodhuesit e mëdhenj të naftës janë të kënaqur nga nënvlerësimi i rezervave, sepse ky fakt e mban të lartë çmimin e naftës. Sipas tij, nafta do të mbetet burim energjetik dominues edhe në shekullin e ardhshëm. Tezat e tij flasin se në botë mbesin të pa shterura dy herë më shumë sasi nga ajo që po shfaqet, ndërsa vlerësimet nuk i përfshijnë fushat e pa hulumtuara të naftës që do të zbulohen në të ardhmen.