Filmat e regjisorit suedez, Igmar Bergman, "Vera me Moniken" dhe "Sonatė Vjeshte", do tė shfaqėn kėto ditė nė Kinemanė ABC tė Prishtinės.
Filmat e regjisorit suedez, Igmar Bergman, "Vera me Moniken" dhe "Sonatë Vjeshte", në një bashkpunim me Zyrën ndërlidhëse të Suedisë në Prishtinë do të shfaqën këto ditë në Kinemanë ABC të kryeqytetit. Shefja e zyrës ndërlidhëse Suedeze në Prishtinë, Ann Sofie Nilsson, tha se me filmat e Bergamn, shumë aktorë skandinav janë bërë të famshëm në skenën hollivudiane.
"Regjisori i këtyre filmave, Igmar Bergman mund të themë se është një krenari për Suedinë. Ai ka promovuar dhe ndihmuar shumë aktorë skandinavë dhe suedez, të cilët janë bërë të famshëm në tërë botën", deklaroi shefe e zyrës ndërlidhëse Suedeze në Kosovë, Ann Sofie Nilsson.
Sipas Miradije Vllahiut, menaxhere në kinemanë ABC, këta filma, do t'i paraprijnë javës së filmave suedez e cila pritet të ndodhë së shpejti.
"Janë hapat e parë, është një fillim i mbarë për një javë të filmit suedez", tha Miradije Vllahiu.
Regjisroi Igmar Bergman, i cili vdiq në vitin e kaluar, gjatë karrierës së tij si regjisorë, ka realizuar 62 filma dhe 175 pjesë teatrale. Filmat e këtij regjisori, kryesisht i takojnë zhandrit dramë apo romancë.
