Zlatan Ibrahimoviq ka shėnuar golin e tij tė parė nė pothuajse tre vite, nė ndeshjet ndėrkombėtare, derisa Suedia shėnoi fitore prej 2-0 ndaj Greqisė, nė ndeshjen e grupit D, qė ishte edhe e fundit pėr fazėn e parė grupore nė Euro 2008.
Ibrahimoviq shënoi golin e parë të Suedisë, që erdhi në minutën e 67-të, pas një asistimi nga Henrik Larsson. Kjo ishte hera e parë që mbrojtja e fuqishme greke ishte çarë në 425 minuta lojë në kampionatin evropian, duke marrë parasysh ndeshjet e fundit grupore të vitit 2004.
Goli i Ibrahimoviq ishte edhe i pari që nga 12 tetori i vitit 2005, kur ai shënoi për Suedinë në fitoren pre 3-1 ndaj Islandës. Ky gol e çon në 19 numrin e golave të Ibrahimoviqit, nga 51 ndeshje sa është përfshirë.
Mbrojtësi i qendrës, Petter Hansson, dyfishoi rezultatin në minutën e 72-të, pas një loje të mëhershme nga Fredrik Ljungberg. Suedia me këtë fitore renditet e dyta, pas Spanjës, që më herët shënoi fitore bindëse ndaj Rusisë, duke e mposhtur me rezultat 4-1.
