Mesfushori gjerman dhe kapiteni i kësaj kombëtareje, Michael Ballack, ka folur gjatë një konference shtypi, para ndeshjes së nesërme që Gjermania e zhvillon përballë Kroacisë në Klagenfurt, duke thënë se ekipi i tij ka frikë nga ‘vrasësit’ e Anglisë.

Një fitore gjatë kësaj ndeshjeje, mbase do t’i siguronte kalimin nga faza e grupeve secilit ekip fitues si dhe kualifikimin për në çerekfinale.

“Ne jemi në 80-85% të kapacitetit tonë të plotë, por e kemi koncentruar veten drejt kundërshtarëve të së enjtes. Ne do të kemi ca detyra të ndryshme kundër Kroacisë, të cilët po ashtu dëshirojnë të jenë kampionë evropian, dhe e mposhtën Anglinë dy herë, që është gjë e lehtë”, ka thënë Ballack.

Mesfushori 31-vjeçar, ka shkëlqyer gjatë fitores së parë prej 2-0 ndaj Polonisë, derisa dy golat e ndeshjes i shënoi ish-bashkëlojtari i tij tek Bayern Munichu, Lukas Pololski.