Kriminelët online assesi nuk ndalen me punët e tyre të pista. Tani është paraqitur forma e re e mashtrimit përmes shkrimeve në MSN, e cila ka për qëllim t’ua marrë llogarinë tuaj të MSN-së.

Një numër i njerëzve kanë pranuar porosi të rrejshme prej shfrytëzuesve nga lista e miqve të tyre, në klientin e tyre për bisedë të çastit (mesengjer), e brenda porosisë është lidhja që drejton kah faqet si messenger-tips.com, www.msn-listlive.tk e të ngjashme.

Problemi qëndron se asnjë nga ata persona nuk i dërgon me qëllim ato porosi dhe bëhet fjalë për edhe një formë të mashtrimit të radhës.

Duke shkuar në lidhjen e ofruar nga shfrytëzuesit, kërkohet shënimi i emrit të përdoruesit dhe fjalëkalimit të llogarisë në MSN, pas së cilave do t’u mundësojnë të shihni të dhëna si – pse disa shfrytëzues janë gjithmonë offline, kush ju ka larguar nga lista e miqve dhe pse, e kështu me radhë.


Përsërisim, këtu bëhet fjalë për një formë të re të mashtrimit e cila u dërgohet rrjetave për komunikim të çastit (aktualisht vetëm në rrjetin MSN) dhe ju lusim që të mos u mashtroni.

Microsofti e asnjë kompani tjetër e cila iu mundëson shfrytëzimin e rrjetit për komunikim të çastit nga ju nuk do të kërkojë të dhëna personale.