Qeveria e Kosovės, mė gjithė sfidat mė tė cilat ėshtė duke u pėrballur nė ekonominė e vendit, ėshtė e vendosur qė tė krijojė kushte pėr rritje ekonomike deri 6 %, reformim tė politikave fiskale dhe liberalizim tė tregut, zbatimi i tė cilave pritet tė filloi mė 1 janar 2009. Kėshtu tha sot zv/ministri i ekonomisė Bedri Hamza, nė Forumin e parė tė biznesit nė Kosovėn e pavarur, tė organizuar nga Oda Ekonomike e Kosovės.
Komuniteti i biznesit kërkoi nga qeveria zbatimin sa më të shpejt të ligjeve tashmë të miratuara, në veçanti në fushën e kontabilitetit dhe auditimit, të cilat do të ndikojnë drejtpërdrejt në tërheqjen e investitorëve.
Ardiana Bunjaku, kryetare e Shoqatës së kontabilistëve të certifikuar dhe auditorëve të Kosovës, tha se deri më tani shfrytëzimi i dijes, përkatësisht auditorëve dhe kontabilistëve është bërë vetëm për llogarimbajtje, gjë që sipas saj, ka ndikuar në ngecje të zhvillimit, si të bizneseve ashtu edhe ekonomisë së vendit.
Në ditën e sotme auditori e ka rolin kyç. Nëse një kompani dëshiron të tërheq investitor atëherë auditori është ai i cili i tregon pasqyrat e besueshme financiare ose nëse ju do të merrni kredi atëherë është auditori dhe kontabilisti ata ë cilët e demonstrojnë besueshmërinë e pasqyrave të juaja të cilat i keni dorëzuar, ka thënë Bunjaku.
Zëvendësministri i ekonomisë Bedri Hamza, pranoi se kushtet në të cilat janë duke vepruar bizneset në Kosovë, janë të vështira dhe jo të favorshme, sidomos sa i për ketë politikave fiskale, por siç tha ai, qeveria është duke bërë përpjekje për reformimin e tyre.
Qeveria e Kosovës, më gjithë sfidat më të cilat është duke u përballur ekonomia e vendit, do të krijojë kushte për rritje ekonomike deri 6 për qind, reformim të politikave fiskale dhe liberalizim të tregut, zbatimi i të cilave pritet të fillojë më 1 janar 2009 i ka premtuar sot komunitetit të biznesit zëvendësministri i Ekonomisë, Bedri Hamza.
Kryetari i OEK, Besim Beqaj, kërkoi nga Qeveria angazhim më të madh në tejkalimin e barrierave jo tarifore për biznesin kosovare, e që sipas tij kjo mundë të bëhet më vendosjen e reciprocitetit ligjor më vendet të cilat ngritin këto barriera qoftë ato të rajonit apo edhe më gjerë.
Me barrierat jo tarifore kuptojmë kur në çdo moment, në çdo kufi, për ndërmarrjet tona kanë problem ose të bënë problem për të hy në treg ose të duhen disa teste të shtuara. Ato teste mund të kushtojnë sa krejt vlera e mallit. Ato teste mund ti marrim me muaj të tërë dhe praktikisht humb sezoni për eksport, apo për plasim të produkteve tona, ka theksuar Beqaj.
Forumin e parë të biznesit në Kosovën e pavarur më moton E ardhmja e Kosovës në ekonominë e dijes, e ka organizuar Oda ekonomike e Kosovës.
