Përzgjedhësi i kombëtares çeke, Karel Bruckner, ende nuk mund të besojë se ekipi i tij lejoi t’i pranojë dy gola në pjesën e fundit të ndeshjes dhe të eliminohet nga çerekfinalja e kampionatit evropian.

“E pabesueshme se si mund të humbet ndeshja në këtë mënyrë. Në katër minuta para ndeshjes udhëhiqnim me rezultat 2-1, ndërsa pastaj humbnim 3-2“, ka thënë përzgjedhësi i Republikës Çeke.

“Nuk mund të pritni fitore nëse bëni gabime të tilla. Për goditjen e dytë dhe të tretë, bëmë gabime katastrofike, nuk duhej të lejojmë diçka të tillë. U munduam të luajmë lojë të thjeshtë dhe kishim avantazh 2-0. Kishim shans ta zmadhojmë avantazhin. Por në fund iu dorëzuam kombëtares turke”, ka përfunduar Bruckner.