Jo shumëkush ka dëgjuar për “Ronn Motor Company”, kompani me qendër në Teksas e cila prodhon automjete sportive "me ngjyrën e parave".

Këto ditë kjo kompani ka njoftuar se ka filluar me para-prodhimin e një automjeti të ri me emër tipik amerikan, “Scorpion”.

“Scorpion” në mënyrë simbolike do ta paralajmërojë gjeneratën e re të superautomjeteve të cilat bazohen në sistemin hidrogjenik, të kontrolluar nga një procesor i dyfishtë kompjuterik, i cili sistem e prodhon hidrogjenin sipas nevojës duke e marrë atë nga ajri dhe duke e përzier më benzinën, ku hidrogjeni përbën 40% të përzierjes.



“Kjo të cilën e prezantojmë sot është një novitet në industrinë automobilistike, e cila e demonstron gjenialitetin amerikan në kohën e nevojave reale”, ka thënë drejtori i kompanisë, Ronn Maxwell.



“Ne kemi dizajnuar dhe kemi krijuar një automjet me pamje unike, me qëllim që të prodhojmë automjete të cilat do të jenë ekologjike dhe do të dallohen me stili dhe efikasitet shumë më të madh se automjetet e deritanishme”, ka vazhduar ai.