Deri në fund të vitit kompania energjetike EEM-EVN do të kërkojë rritje të çmimit të energjisë elektrike.

Kryetari i bordit drejtues të EEM-EVN Georg Valdner duke mos saktësuar theksoi se përqindja e rritjes do të dihet pas analizave të cilat i bën ekipi i ekspertëve i cili do të vërtetojë mbulimin e shpenzimeve të kompanisë. Valdner rritjen e çmimit e arsyetoi me rritjen e inflacionit në nivel botëror dhe rritjen e kostos së naftës në tregun botëror.

Për drejtorin e kompanisë shtetërore për prodhimin e energjisë elektrike Vllatko Çingovski më e rëndësishme është miratimi i Ligjit të ri për energjetikë se sa rritja e kostos së energjisë elektrike.

Ndërkaq kryetari i bordit drejtues të EVN-së nga organet shtetërore kërkoi përforcimin e masave juridike dhe dënime për vjedhësit e energjisë elektrike.

Ndërkohë kompanie EVN prezantoi hidrocentralin "Kalimanci" i cili është plotësisht i automatizuar. Ndërsa drejtori i ELEM-it Çingovski paralajmëroi ndërtimin e kapaciteteve të reja nëpërmjet partneritetit me kompanitë private.