Ekipi i Barcelonės ėshtė i gatshėm ta testojė dėshirėn e Arsene Wenger pėr ta ruajtur nė ekip sulmuesin nga Togo, Emmanuel Adebayor, duke i ofruar plotė 24 milionė funte (30 milionė euro).
Siç ka shkruar Daily Mail, trajneri i ri i katalanasve dëshiron që sulmuesi shtatlartë të jetë pjesë kyçe e ekipit të tij të ri të Barcelonës. Edhe Adebayor, në të kaluarën nuk e ka fshehur dëshirën për të luajtur ndonjëherë për Barcelonën.
Nuk ka lojtar në botë i cili nuk dëshiron të luajë për Barcelonën. Derisa arrin marrëveshje me Arsenalin, me kënaqësi do të kaloja në radhët e kësaj skuadre, pati thënë Adebayor më herët.
Wenger vetëm disa ditë më parë e refuzoi ofertën e Milanit për të marrë shërbimet e sulmuesit, por derisa nuk ia plotëson kërkesat e Adebayor dhe nuk i ofron pagë javore prej 100 mijë funtesh, është e mundur që ta humbë betejën me klubin spanjoll.
Nëse një transferim i tillë realizohet, Arsenali do të përfitonte plot 21 milionë euro për sulmuesin, i cili në radhët e topçinjve kaloi para dy vitesh. Guardiola është duke e kërkuar edhe mesfushorin tjetër të Arsenalit, Alexandr Hleb.
