Edicioni i 29-tė i manifestimit kulturor tė qytetit "Vera e Shkupit" do tė jetė i freskėt dhe nė program do tė ketė vepra artistike pėr shijen e secilit.
Do të hapet të shtunën me ekspozitën kushtuar artit bashkëkohor figurativ të Maqedonisë, më pas do të vijojë muzika filmike në interpretimin e orkestrës simfonike dhe koncerti i muzikës së rrokut. Nga ky festival ndërkombëtar thonë se do të ofrojnë një program të pasur gjatë 40 ditëve të ardhshme:
Nikola Georgiev, drejtor i Drejtorisë së Kulturës dhe Artit të qytetit të Shkupit tha se, më së shumti do të kemi muzikë, por edhe një numër të madh të ekspozitave dhe shfaqjeve teatrore. Ajo që duhet të përmendet janë katër premierat. Dimensioni ndërkombëtar edhe këtë vit është përfaqësuar dhe konfirmuar përmes 19 programeve me mysafirë nga SHBA-të, Britania e Madhe, Franca, Gjermania, Australia dhe vendet ballkanike".
Në sheshin "Makedonija" të shtunën në orën 22 muzikantët më të mirë maqedonas të orkestrës simfonike do të ekzekutojnë muzikë të filmave të njohur të Holivudit sikurse janë: "Titaniku", "Piratët e Karaibeve", "Gladiatori" dhe filmave të njohur francezë dhe italianë.
"Ky është një program shumë i bukur i muzikës filmike, diç që është e njohur, e diç jo nga filmat e produksionit evropian, por edhe muzikë e filmave të njohur të Holivudit që askënd nuk do ta lënë indiferent", u shpreh Ivan Iliq, dirigjent i orkestrës simfonike "Fejms".
Të dielën, po ashtu në këtë shesh do të shfaqet opera "Kavelaria Rustikana" e Pjetro Maskanjit. Për fillimin e korrikut është paralajmëruar festivali 'Bluz dhe Soul', kurse në parkun argëtues do të hapet kinemaja. Çarshia e Vjetër, Kalaja e Shkupit, bregu i lumit të Vardarit, sheshi dhe muzetë janë lokacionet e zgjedhura ku qytetarët do të të shijojnë artin. Programi i festivalit "Vera e Shkupit" do të zgjat deri më 31 korrik.
