Bosi i Milanit, Carlo Ancelotti, beson se italianėt janė favoritė pėr ta mposhtur Spanjėn nė ndeshjen e tė dielės, ndėrsa ka kėrkuar qė ylli i Romės, Alberto Aquilani, tė aktivizohet nga minuta e parė.
Italia ende mbetet një skuadër e fuqishme pas gjithë këtyre viteve, derisa Spanjës vazhdimisht i ka munguar diçka. Mirëpo, tani spanjollët janë më të sigurt si në mbrojtje, po ashtu edhe në sulm, është shprehur Ancelotti.
Duhet pasur kujdes nga kundërsulmet e spanjollëve dhe duhet shfrytëzuar përparësitë në anët e dobëta të mbrojtjes. Megjithatë, mendoj se Italia është favorite, sepse është më e baraspeshuar dhe më agresive.
Fatkeqësisht te Milan nuk kam pasur alternativë për Pirlon, ndërsa në kombëtare ekzistojnë aq shumë lojtarë të shkëlqyeshëm saqë Roberto Donadoni nuk di cilin ta inkuadrojë, përfshirë Mauro Camoranesin, Alberto Aquilanin dhe Simone Perrottan.
Mund të them se Aquilani është i gatshëm të nisë nga minuta e parë. Ai ma përkujton vetveten nga ana teknike, megjithëse ai është më pak i fuqishëm se unë, ndërsa shumë më dinamik, ka përfunduar ish-mesfushori italian, i cili ka qenë pjesë e skuadrës së Italisë e cila e ka mposhtur Spanjën në Kampionatin Evropian të vitit 1988 në Gjermani.
