Spanja ka arritur tė shėnojė fitore prej 4-2 nė penalti, pėrballė kampionit botėrorė, Italisė, pas 120 minutave lojė pa gola, duke siguruar kėshtu vend nė gjysmėfinalen e Euro 2008, ku do tė ndeshet me Rusinė.
Ndeshja më interesante e çerekfinales së kampionatit evropian, ajo mes Spanjës dhe Italisë, përfundoi pa gola gjatë 90 minutave të pasura me raste nga të dyja anët. Spanja ishte më sulmuese në të shumtën e kohës, por ishte e pafuqishme të thyejë mbrojtjen e Italisë. Edhe 30 minuta të tjera vazhdime të lojës, përfunduan pa gola, duke detyruar gjuajtjen e penaltive.
Të përzgjedhurit e trajnerit Luis Aragones ishin më të saktë në 11-metërsha, gjatë të cilëve portieri spanjoll Iker Casillas arriti të ndalojë dy gjuajtje të italianëve (atë të Daniele De Rossit dhe të Antonio Di Natales), derisa Gianluigi Buffon ndaloi vetëm një goditje, atë të Daniel Guizas. Për Spanjën shënuan David Villa, Santiago Cazorla, Marcos Senna dhe Cesc Fabregas, derisa për Italinë Fabio Grosso dhe Mauro Camoranesi.
Me këtë fitore Spanja futet në katër ekipet më të mira të kampionatit, dhe në çerekfinale do të ndeshet me Rusinë, të cilën në fazën grupore e mposhti me rezultat 4-1. Gjysmëfinalja tjetër është ajo mes Turqisë dhe Gjermanisë.
