Një detaj elegant, 100 për qind klasik. Një fjongo mëndafshi e lidhur në qafë. Josh më shumë sesa një dekolte e hapur. Provojeni!

Nuk është shpikur së fundmi. Është marrë hua nga e shkuara. Por vjen si një tendencë e re, e përshtatur me dizenjo të çmendura e ngjyra të forta në sezonin e ri pranverë-verë. Shumica e stilistëve e kanë ngjitur në pasarelë krahas prurjeve më të reja. Por të gjithë e dimë se shpesh detajet e së shkuarës kanë më shumë forcë. Ndaj edhe një këmishë, që në vend të jakës klasike ka fjongon e gjatë të lidhur në qafë, bëhet domosdoshmërisht një must për t’u provuar.

Në tonet e shampanjës

Është bërë menjëherë tendenca e preferuar. Në vend të fustaneve skenikë e prerjeve dekolte, personazhet e njohura kanë preferuar më shumë të mbërthehen deri në fyt e të lidhin fjongo cepat-jakë të këmishës.

Alketa Vejsiu

Poshtë kostumit të zi elegant, këmisha ngjyrë shampanjë, rrethuar disa herë në qafë dhe e lidhur fjongo, ishte e para që binte në sy sapo Alketa u ngjit në skenën e spektaklit më të ri “Më shumë dashuri”. Një projekt i ri s’mund të niset veçse kështu: me një look të ri. Sepse edhe flokët në stilin e diveve të Hollivudit të viteve ’50 ishin new entry po aq sa këmisha.

Alketa Vejsiu

Poshtë kostumit të zi elegant, këmisha ngjyrë shampanjë, rrethuar disa herë në qafë dhe e lidhur fjongo, ishte e para që binte në sy sapo Alketa u ngjit në skenën e spektaklit më të ri “Më shumë dashuri”. Një projekt i ri s’mund të niset veçse kështu: me një look të ri. Sepse edhe flokët në stilin e diveve të Hollivudit të viteve ’50 ishin new entry po aq sa këmisha.

Rrezarta Skifteri

Kush më mirë sesa një stiliste është në dijeni të tendencave të rejave e detajeve të vogla të modës sezon pas sezoni? Këmisha e Rezit nuk është stiluar rastësisht kështu. E mbyllur dhe e lidhur fjongo. Është moda e re, që, nëse e kopjoni, nuk bëni aspak keq. E thonë stilistët.