Arabia Saudite premtoi se do të prodhojë më shumë naftë bruto këtë vit, nëse tregu do të ketë nevojë për të.

Çmimi i naftës ka shënuar rritjen e radhës edhe pse investitorët e ende nuk kanë parë ndonjë ndryshim nga premtimet e Arabisë Saudite për rritjen e prodhimit të naftës që nevojitet, duke e përqendruar problemin më shumë tek ndërprerja e shënuar në furnizimet me lëndë djegëse nga Nigeria dhe tek tensionet në Lindjen e Mesme. Arabia Saudite premtoi se do të prodhojë më shumë naftë bruto këtë vit, nëse tregu do të ketë nevojë për të. Ndërkaq, Shtëpia e Bardhë përshëndeti premtimin saudit për rritjen e prodhimit të naftës dhe theksoi se rritja rekord e çmimeve po dëmtonte rëndë ekonominë. "Ne përshëndesim rritjen e prodhimit të naftës nga të gjithë prodhuesit, përfshirë Arabinë Saudite", ka deklaruar zëdhënësi i Shtëpisë së Bardhë, Tony Frato. Ai njëkohësisht theksoi se "çmimet e larta të naftës po godasin ekonominë globale dhe do të kenë pasoja për prodhuesit dhe konsumatorët. "Ne duhet të marrim masa edhe për rritjen e prodhimit të naftës në Shtetet e Bashkuara të Amerikës, ashtu siç theksoi edhe presidenti Xhorxh Bush", ka përfunduar zëdhënësi i Shtëpisë së Bardhë, Frato.