EVN ka paralajmëruar se të enjten pa energji do të mbeten Kondova, Studeniçani, Sveta Petka Haraçinë, dhe disa pjesë të komunave çair dhe Saraj.

Reth 30 fshatra të kominës së Likovës, fshati Banicë i Strumicës dhe 20 kompani ujore në të cilat nuk është vërejtur rritje të pagesës së faturave për energji në 2 vitet e fundit, prej orës 11 deri në orën 16 do të mbeten pa furnizim me energji elektrike. EVN ka paralajmëruar se të enjten pa energji do të mbeten Kondova, Studeniçani, Sveta Petka Haraçinë, dhe disa pjesë të komunave çair dhe Saraj. Sipas zyrtarëve të kompanisë austriake të enjten edhe disa pjesë të qyteteve të Tetovës, Gostivarit, Velesit dhe Prilepit do të ngelin pa energji eletrike sepse humbjet në këto rajone është mbi 60 %. EVN informon se fillimisht ndërprerrja e energjisë do të jetë e përkohshme, ndërsa nëse vazhdohet me mospagesën e faturave të energjisë atëherë keto vendbanime do të ngelin në ter total. Në shënjestër të kompanisë austriake mbeten edhe institucionet tjera shtetërore, komunale dhe në rajonet tek të cilat niveli i pageses të energjisë është i ulët, ka vjedhje të larta, ndërsa ekipet e EEM-EVN-së nuk kanë qasje tek matësit elektrik. Duke theksuar se kompania dy vite me radhë tenton ta rrisë nivelin e pagesës së energjisë zyrtarët e EEM-EVN-së nuk deshën publikisht t'i komentojnë këto aksione me arsyetimin se të gjithë konsumatorët duhet t'i paguajnë borxhet e mbetura ashtu si kompania e paguan energjinë ndaj kompanisë shtetërore MEPSO.