Modele flokësh që mund të jenë të dëshiruara gjatë stinave të nxehta

Bisht mëndafshi

E kemi parë tashmë në version “lart” mbi pasarelat e stinës së kaluar. Tani mbahet poshtë, siç propozon Costume National. Përdoret një foulard mëndafshi dhe është modeli perfekt për ato që kanë qafë të hollë.

Si bëhet?

Pasi t’i kesh shtrirë flokët dhe t’i kesh ndarë me vizë në mes, lidhi bisht pak sipër qafës. Pastaj mbështet foulard-in si një rreth dhe kaloje përreth bishtit.

Kaçurrela mbi fjongo

Vazhdon suksesi i rrethit, mundësisht i vendosur mbi një rrjetë bigudish, siç propozohet në sfilatën e Antonio Marras. Stilisti nuk e ka kursyer edhe pak frymëzim nga vitet ’40, duke propozuar një cullufe kaçurrelash mbi ballë. Një look, që i shkon për shtat atyre që kanë fytyrë të rrumbullakët.

Si bëhet?

Ndaj një cullufe të madhe mbi ballë dhe me flokët e tjera bëj një topuz të tërhequr. Flokët e hedhur mbi ballë bëji kaçurrela duke i lënë të bien mbi rreth.

Lule të viteve ’20

Teatrale dhe rétro. Kjo është hija që John Galliano u jep edhe veshjeve. Duke u dhënë efekt flokëve me volum mbi veshë, ata që dalin në pah janë sytë.

Si bëhet



Në fillim duhen bërë dy bishtaleca, të cilët mblidhen dhe fiksohen me trëndafila stofi. Pasi krehja mbaron, fiksohet me një xhel të fortë me
shumë shkëlqim.

Stil brazilian

I krijuar për ato që kanë fytyrë ovale dhe veshë të vegjël. Look-u brazilian nga Blugirl është skenografik. Vetëm me një kusht: në asnjë mënyrë nuk duhen vendosur vathë.

Si bëhet?

Lër një pjesë të flokëve mbi ballë, kurse pjesën tjetër kape bisht. Fry pjesën e mbetur të flokëve dhe bashkoje me bishtin. Pastaj vendos një fjongo dhe lidhe poshtë veshit.