Derisa Gjermania ėshtė vetėm njė fitore larg titullit Kampion tė Evropės, yjet e Anglisė kanė qenė tė detyruar tė jenė vetėm tifozė tė skuadrave pjesėmarrėse nė Euro 2008, ndėrsa Arsene Wenger thotė se djemtė nga ishulli duhet tė mėsojnė prej gjermanėve.
Kam takuar shumë njerëz gjatë Euro 2008 të cilët më kanë pyetur se çka shkoi keq me Anglinë. Përgjigja ime ishte e thjeshte: Është fuqia dhe përgatitja mendore.
Cili shtet ka pasur më shumë lojtarë në finale të Ligës së Kampionëve? Anglia. Dhjetë lojtarë anglezë kanë qenë në garën më të madhe evropiane të klubeve, ndërsa Anglia dështoi të kualifikohet.
Mendoj se fuqia mendore e gjermanëve vjen nga besimi i tyre. Ndërsa besimi vjen nga historia. Historia është ajo e cila i mbështet ata në çdo garë. Ata e dinë se kanë qenë të suksesshëm në të kaluarën dhe kur nisen në ndonjë turne shkojnë me atë kujtim.
Anglezët duhet ta krijojnë atë histori. Është diçka e ngjashme edhe me spanjollët. Spanja ka dështuar qe 40 vite. Prandaj ata nisen në një turne, me mendimin, Do të luajmë dy-tri ndeshje dhe do të kthehemi në shtëpi, ka thënë bosi i Arsenalit.