Portieri i përfaqësueses turke Rexhber Rushtu mbrëmë në Bazel ka zhvilluar ndeshjen e tij të fundit në fanellën e përfaqësueses turke

35 vjeçari këtë e ka deklaruar mënjëherë pas ndeshjes dramatike me Gjermaninë në të cilën përfaqësuesja turke pësoi disfatë të ngushtë me rezultatin 3 – 2.

" Kam përfunduar karierën time në fanellën e kombëtares. Ishte një nder për mua që isha pjesë e saj 14 vite të plota", ka thënë Rushtu i cili mbrëmë zhvilloi ndeshjen e tij të 118-të për Turqinë.

Edhe pse Rushtu ishte portieri i dytë i Turqisë në këtë kampionat, ai shansin e tij e morri pas ndëshkimit të portierit Demirel në ndeshjen kundër Çekisë.