Mesfushori i Barcelonės, Deco, nė sezonin e ardhshėm do tė mbrojė ngjyrat blu tė Chelseat, pasi qė portugezi tashmė ka nėnshkruar me klubin anglez, ku do tė jetė sėrish nėn urdhrat e trajnerit Luiz Felipe Scolari.
30-vjeçari është mjaft i afërt me trajnerin Scolari, me të cilin punoi edhe në kombëtaren e Portugalisë.
E rëndësishme për Chelsean, që u mposht këtë sezon në finalen e Ligës së Kampionëve nga Manchester United, është përvoja e portugezit në garën evropiane. Deco e fitoi Ligën e Kampionëve me Porton në vitin 2004 nën urdhrat e Jose Mourinhos, dhe me Barcelonën në vitin 2006 nën urdhrat e Frank Rijkaard.
Jam i sigurt se vij në kohën e duhur për të arritur shumë gjëra dhe për të ndihmuar Chelsean të kthehet në formën në të cilën ishte dhe të jetë numër një, jo vetëm në Angli por edhe në Ligën e Kampionëve, që ka qenë ëndërr një kohë të gjatë, citohet të ketë thënë portugezin për faqen zyrtare të klubit.
Vlera e Decos thuhet të ketë arritur shumën prej 10 milionë eurosh.
