Sllovenia, ėshtė njė nga vendet tė cilat, kanė pėrqindjen mė tė vogėl tė investimeve nė Maqedoni.
Shkëmbimi tregtar mes dy vendeve vitin e kaluar arriti nivelin prej 200 milion euro, përkatësisht 60 milion i takojnë eksportit ndërsa 140 milion importit të prodhimeve sllovene në vend. Kryetari i Odës ekonomike sllovene, Simo Hribar thekson se në dy vendet ekziston potencial i mirë për intensifikimin e bashkëpunimit ekonomik, ndërsa me tatimet e ulëta dhe lehtësirat e tjera institucionale, Maqedonia bëhet një destinacion i mirë për bizneset sllovene. Hribar ka deklaruar se proceset eurointegruese të vendit nuk ndikojnë në marrjen e vendimit të kompanive sllovene për të investuar në Maqedoni.
"Mendoj se proceset euro-integruese nuk kanë ndikim në biznes sepse afaristët janë praktik dhe e dinë se zhvillimet politike në Maqedoni janë stabile, dhe në bazë të kësaj miratojnë vendimin e tyre", tha Hribar.
Sipas Sekretares të përgjithshme të odës ekonomike të Maqedonisë Jelisaveta Georgieva, bujqësia, industria e ushimit dhe energjetika janë sektorët ku sllovenët kanë treguar më tepër interes.
"Në përgjithësi përqindja e shkëmbimit është e ulët por ne me të gjitha kushtet dhe përfitimet që ofron vendi jonë punojmë që kjo situatë të përmirësohet në të ardhmen", deklaroi Georgieva.
Mbi 40 kompani sllovene dhe maqedonase në biznes forum të përbashkët janë zotuar se do të intensifikojnë bashkëpunimin ekonomik mes dy vendeve, ndërsa sllovenët kanë premtuar se do të rrisin numrin e grinfild investimeve në Maqedoni.
Nevzat Mamuti/ alsat-m
