Ēmimi i taksave rrugore ulet mesatarisht nga 10 deri nė 30 denarė varėsisht nga madhėsia e makinave.
Sipas vendimit të Qeverisë kostoja e takës rrugore në autostradën Shkup - Tetovë prej 40 do të ulët në 30 denarë, në autostradën Tetovë - Gostivar prej 30 në 20 denarë, ndërsa ulje më e madhe vërehet në autostradën Veles- Petrovec ku në vend 80 do të paguhet 60 denarë. Ministri i Transportit dhe Lidhjeve Mile Janakievski thekson se çmimet e reja në pikat pagesore do të fillojnë të zbatohen dy ditë pas publikimit të vendimit në Gazetën Zyrtare. Janakievski tha se ulje më e madhe do të shënohet për mjetet transportuese ku taksa rrugore ulet me 30 %.
"Në autostradën Petrovec atje ku taksa ishte më e lartë për kategorinë e parë çmimi ulet prej 80 në 60 denarë, në kategorinë e dytë prej 120 në 100 denarë, në të tretën prej 220 në 150 denarë, ndërsa në kategorinë e 4 çmimi ulet prej 330 në 230 denarë", bëri të ditur ministri Janakievski.
Sipas tij, për 30 % do të ulet edhe regjistrimi i makinave në varësi të tipit dhe tonazhit.
"Me qëllim të uljes të ndikimit të çmimit të naftës, Qeveria ka miratuar vendimin me të cilin bie me 30 % taksa për përdorimin e rrugëve publike e cila paguhet gjatë regjistrimit të makinave", theksoi ai.
Brenda 10 ditëve pritet të zbatohen edhe 6 masave të tjera me qëllim të uljes së pasojave nga rritja e vazhdueshme e çmimit të naftës.
Nevzat Mamuti/alsat-m
