Maqedonia sipas investimeve tė drejtpėrdrejta tė huaja ka pėrfunduar vitin 2007 si e fundit nė listėn e 20 shteteve tė Evropės Qendrore, Lindore dhe Juglindore.
Ndërkohë për sivjet megjithatë parashihet rritje e konsiderueshme.
Kjo theksohet në analizën e fundit të Institutit të Vjenës për studime ndërkombëtare ekonomike, sipas të cilit, vitin e kaluar në vend niveli i investimeve të drejtpërdrejta të huaja (IDH) ka qenë 239 milionë euro.
Instituti i Vjenës parasheh se Maqedonia do ta përfundojë vitin 2008 me gjysmë miliardë euro, që do të ishte niveli më i madh i IDH-së në vend nga viti 2001. Në fund të vitit, Maqedonia duhet ta evitojë vendin e fundit të listës, parasheh Instituti.
Rritje e vazhdueshme e IDH-së nga viti 2004 tek 20 shtete, sivjet do të ulet parasheh Instituti. Për vitin 2008 janë paraparë gjithsej 91 miliardë euro investime, për dallim nga viti i kaluar kur u regjistruan 101 miliardë.
Instituti në vitin 2008 parasheh rritje të investimeve vetëm në Shqipëri, Maqedoni, Poloni dhe Rumani.
Sipas Institutit të Vjenës, vitin e kaluar në EJL u investuan 9.072 miliardë euro rekord, ndërsa për sivjet janë projektuar 1.5 miliardë më pak. Përveç Maqedonisë dhe Shqipërisë, te të gjitha vendet tjera në rajon parashihet rënie: Bosnjë e Hercegovinë prej 1.47 miliardë në 800 milionë, Kroaci prej 3.62 miliardë në 2.8, Mal të Zi prej një miliardë në 500 milionë dhe Serbi prej 2.25 në dy miliardë.
Në grupet e vendeve anëtare të BE-së Rumania, Bullgaria dhe Sllovenia, vitin e kaluar kanë tërhequr shtatë, gjashtë, gjegjësisht një miliardë euro.
Investime më të lartajanë regjistruar në Rusi, mbi 38 miliardë euro, përdersia në Poloni janë investuar thuajse 13 miliardë. /Makfaks/
