I dyti i radhitur në tenisin botërorë, spanjolli Rafael Nadal, ka shënuar fitore të lehtë në tre sete, 6-3, 6-2, 6-4, në përballjen e djeshme ndaj britanikut Andy Murrayt, për të arritur gjysmëfinalen e Wimbledonit.

Spanjolli ka shfaqur formën e tij më të mirë për të eliminuar anglezin në gjysmëfinale të këtij turneu të famshëm.

“Ishte ndeshja ime më e mirë, sigurisht. U përpoqa të luaj një lojë agresive gjatë gjithë kohës dhe të godas fuqishëm. Jam i lumtur që do të jem në gjysmëfinale dhe po ashtu që mposhta një lojtar aq të vështirë”, ka thënë Nadal.

Në gjysmëfinale spanjolli do të takohen me fituesin e duelit në mes të francezit Arnaud Clement ose gjermanit Rainer Schuettler.

Kundërshtarët e gjysmëfinales tjetër tashmë janë përcaktuar. Roger Federer, i cili mposhti kroatin Mario Ancic (6-1, 7-5, 6-4), do të përballet me rusin Marat Safin, i cili eliminoi spanjollin Feliciano Lopez 3-6, 7-5, 7-6, 6-3.