Aktori, Eddie Murphy, i ka mohuar spekulimet se ai dëshiron të largohet nga Hollywoodi dhe t’i kthehet komedisë në skenë.

“Eddie nuk del në pension. Ai vazhdon të jetë aktiv”, ka thënë zëdhënësi i tij.

Aktori i komedisë, “Nutty Professor”, ka dëshirë të madhe që ta shpëtojë filmin, “Beverly Hills Cop”, pasi që pjesa e tretë ka qenë “tmerruese”.

“Vazhdimi i tretë i 'Beverly Hills Cop' ka qenë tmerrues! Nuk dëshiroj ta lë të mbetet ashtu. Dy pjesët e para kanë qenë të mira, ndërsa e treta dështoi. Dëshiroj ta rregulloj këtë duke bërë një vazhdim të mirë”, ka thënë Eddie për MTV./telegrafi/