Deficiti tregtar i Maqedonisė nė periudhėn janar-maj tė vitit 2008 arrin 1.15 miliardė dollarė, qė ėshtė dyfish mė shumė nė krahasim me periudhėn e njėjtė tė vitit tė kaluar.
Maqedoni në pesë muajt e parë të vitit të kaluar ka realizuar deficit në shkëmbimin tregtar me vlerë prej 550,2 milionë dollarë që është për 109 për qind më pak krahasuar me deficitin e sivjemë.
Njëherit vëllimi i përgjithshëm i shkëmbimit të Maqedonisë me botën e jashtme në periudhën janar-maj të vitit 2008 tejkaloi 4.51 miliardë dollarë, që paraqet rritje prej 47 për qind në krahasim me vitin e kaluar.
Sipas të dhënave paraprake të Entit Shtetëror për Statistikë, vlera e përgjithshme e eksportit të mallrave nga Maqedonia në periudhën janar-maj të vitit 2008 arrin 1.68 miliardë dollarë, ndërsa i importit 2.83 miliardë dollarë.
Mbulimi i importit me eksport është 59,4 për qind, që është për rreth 10 për qind më pak në krahasim me vitin e kaluar, kur ky tregues arrinte 69,6 për qind.
Shkëmbimi tregtar sipas produkteve tregon se në eksportin më së shumti merr pjesë feronikli, produktet e hekurit dhe çelikut, si dhe veshja, ndërsa në importin më së shumti janë të përfaqësuara nafta e papërpunuar, energjia elektrike dhe automjetet motorike.
Maqedonia më së shumti eksport realizon në tregjet e vendeve anëtare të Bashkimit Evropian (60 për qind) dhe në vendet e Ballkanit Perëndimor (34,6 për qind), përderisa më së shumti importon nga vendet e BE-së (46,5 për qind) dhe nga vendet në zhvillim (32,2 për qind).
Partnerë më të rëndësishëm tregtarë të Maqedonisë janë Serbia, Gjermania, Rusia, Greqia dhe Bullgaria. Me pesë shtetet e lartëpërmendura Maqedonia realizon mbi 50 për qind të shkëmbimit të përgjithshëm tregtar me botën e jashtme. /Makfaks/
