Importuesi i përgjithshëm për Maqedoni i makinave Peugeot, kompania "Euroimpex" filloi aksionin "Lësho rrënjë", në kuadër të së cilit do të mbillen fidanë pas çdo shitje të veturave të markës Peugeot 207.

Pronari i kompanisë "Euroimpex", Kiril Voinovski deklaroi se qëllimi i këtij aksioni i cili do të zgjasë deri në shtator është mbrojtja e ambientit jetësor.

"Me çdo veturë të shitur Peugeot 207, prej sot e deri në muajin shtator planifikojmë të mbjellim fidanë duke kontribuar për një ardhmëri më ekologjike", tha pronar i kompanisë "Euroimpex" Kiril Voinovski.

"Nëse mbjellim drunj në vitin 2008 mund të presim që frutat e këtij aksioni mund t’i shfrytëzojnë stërnipat tanë", theksoi Jovan Mazganski, përfaqësuesi i organizatës joqeveritare "Eko Misija"

Përfaqësuesit e kompanisë Peugeot thonë se nga viti 1998 ka filluar zbatimi i projekteve ekologjike, ndërsa vetëm në rajonin e Amazonisë në Brazil kompania franceze ka pyllëzuar 25.000 hektarë tokë duke shpenzuar 10 milionë euro.