Qytetarėt thonė se ēmimet janė tė mėdha pėr standardin e tyre tė jetesės pasi vetėm muajt e fundit shtrenjtimi i produkteve ushqimore themelore ėshtė rritur pėr 40%.
Ata kërkojnë nga qeveria e re të ndërmarrë masa për rritjen e standardit të jetesës si dhe të ul çmimet.
Produktet ushqimore do të duhet të ulen në veçanti vaji i cili është shumë i shtrenjtë ndërsa standardi është i ulët. Sipas standardit gjithçka është shtrenjtë përveç prodhimeve bujqësore domateve dhe specave kjo përputhet me standardin tonë; asgjë tjetër. Me 200 euro mund të jetohet por me 5 mijë 6 mijë denarë dikush që merr nuk mund ta sigurojë as bukën, u ankua një qytetar.
Mendoj se standardi ka rënë dukshëm në Maqedoni dhe qeveria e re do të duhet të bëj diçka për përmirësimin e gjendjes së qytetarëve në Maqedoni, të rris rrogat dhe ti ul çmimet sipas mundësisë që nuk besoj se është e mundur. Votuam për Qeveri më të mirë dhe tani le të ndërmarrin masa të caktuara, shprehu shqetësimin e tij një tjetër qytetar.
Vështirë; është shumë e vështirë çfarë do të bësh me 150 apo me 200 euro:, shtoi një tjetër.
Sipas ekspertëve, rritja e çmimeve të ushqimit është diktuar nga rritja e çmimeve të karburanteve të cilat në vend po rriten dy denarë për çdo dy javë. Pritet valë e re e shtrenjtimeve të karburanteve.
Edhe në botë rritja e çmimit të karburanteve dhe ushqimeve po dëmton disa nga vendet më të varfra të botës. 18 vende afrikane janë goditur rëndë.
Meral Ismaili/ alsat-m
