E reja, përgatiti darkën dhe shtroi tavolinën ashtu siç i pëlqente të shoqit. Pasi u rregullua, e emocionuar po priste bashkëshortin e saj, kur ra edhe dera. Burri, ashtu i nxituar dhe i lodhur u fut me hov brenda duke thënë “kam shumë të ftohtë dhe jam shumë i uritur. Është gati darka apo jo?”.

Gruaja, pa të shoqin me duar bosh. Ai muk kishte asnjë as buqetë lulesh e as një gonxhe të vetme. Ashtu e zhgënjyer pa të shoqin në sy. I foli dhe me një gjysëm zë i tha: “Mirëseerdhe zemër. Dukesh që ke të ftohtë. Urdhëro brenda”. “Me të vërtetë që është shumë ftohtë jashtë, por brenda qënka shumë mirë” i tha ai.

- Darka është gati, mund të ulemi, menjëherë, - i tha gruaja.
- oooo, po këto ç’janë. Të gjithë gjellët e mia të preferuara. Mos do të na vijë ndonjë mysafir? – e pyeti burri i habitur.

- Jo zemër, i kam përgatitur vetëm për ty, - iu përgjigj ashtu disi e heshtur gruaja.
- Po pse je lodhur kaq shumë? – e pyeti burri.
- S’e di..., tha gruaja me të njëjtin ton zëri.
- Offf, si harrova unë, sot është përvjetori jonë i martesës. Prit pak, sa të shkoj deri në dyqanin e lulëve e të të sjell një buqetë trendafilash, - tha burri disi i dëshpëruar.
- Jo, jo. Mos dil në këtë të ftohtë e të ftohesh për mua,- tha gruaja që nga brenda ziente nga mërzia.



Gratë, vlerësojnë shumë atë që është e veçantë për ta. Por, burrat gjithmonë i harrojnë këto gjëra. Me të drejtë, edhe gratë mërziten nga situata të tilla. Kjo gjendje e tyre, vjen si pasojë e mendimit të skalitur në kokën e gruas se burrat nuk i vlerësojnë ato siç duhet.

Po te vëresh me kujdes, nuk është se s’kanë të drejtë. Është bukur të të jesh e veçantë dhe të kujtohesh ne ditë të caktuara!

Ndërkaq, burrat, në të shumtën e rasteve harresat e tyre i lidhin me lodhjen dhe punën e ngarkuar të ditës.

Sikur të mos e harrojë atë ditë, burri do t’i rikujtonte gruas së tij qofte edhe me një lule që ajo është shumë e rëndësishme për të, që që nga dita që e ka njohur e deri në atë moment, ai ndihet i lumtur me pranine e saj ...

Ka edhe nga ata burra që raste e ditë të tilla, i vleresojnë si të pavlera dhe imitime, apo pse jo edhe ironi. “Ajo e di që unë e dua. Ajo e di që është gjëja më me vlerë që kam, pse duhet t’ia rikujtoj përsëri?”-mendojnë ata. Apo pse jo ka edhe nga ata që nuk parapëlqejnë të shprehin ndjenjat e tyre.

E rëndësishme në harmoninë e një çifti është që ndjenjat e fshehura në zemër, të thuhen. Ato nuk mund të fshihen pas perdeve të fshehta. Nuk duhet të jetë shumë e vështirë një buqetë lule, një fjalë e bukur apo një shprehje ndjenje që i tregon sërish shoqes së jetës se je dhe se do të jesh me të përgjithmonë.../GazetaStart/