Koncerti i grupit legjendar, "Whitesnake", i mbajtur më 3 korrik, në stadiumin "Qemal Stafa" në Tiranë, përveç fansave të zakonshëm të grupit të David Coverdale, kishte sjellë edhe një numër të madh fytyrash publike, të cilët kanë dashur t’i dëgjojnë këngët e pavdekshme të ish-vokalistit të "Deep Purple".

Aleksandër Gjoka tepër i pirë

Rok ikona shqiptare Aleksandër Gjoka , jo vetëm që ka shijuar muzikën e "Whitesnake", mirëpo aq ka qenë i pirë sa nuk ka mundur as të lëvizë. Sandri më shumë ishte i “trullosur”, nga pija përderisa interpretonte bashkë të gjitha këngët e grupit “Whitesnake”.

Edhe kompozitori Saraçi shkoi te Whitesnake

Muzikën e “Whitesnake”, me dëshirë e kishte dëgjuar edhe kompozitori Shpëtim Saraqi. Ai është shoqëruar nga këngëtari, Sindrit Bejleri, të cilit është duke ia punuar edhe albumin e fundit. Saraçi madje kishte zgjedhur edhe këngët të cilat atij i pëlqenin më së shumti.

Ema me cigare



Një ndër ata që më së shumti ka tymosur cigare (e ndoshta edhe “diçka tjetër”), është Ema Andrea. Ajo ka thënë se ndihet shumë “high” me koncertin. E veshur me tesha sportive ajo ishte personazhi që jepte shembull, se si duhet të kalohet një natë me muzikë të mirë të grupeve të njohura muzikore.

Basha nuk bëri humor për pak çaste

Regjisori i emisionit më të popullarizuar në Shqipëri, “Portokalli”, Altin Basha, pas përfundimit të sezonit të tij është ndier shumë mirë. I veshur në mënyrë karakteristike Basha pa dyshim ka qenë personaliteti me interesant i kësaj mbrëmje.

Përderisa në Shqipëri po marrin pjesë të gjithë VIP-it nëpër koncerte të të famshmeve në Kosovë, në koncertin e “50 cent”, në përjashtim të disa reperëve nuk kishte marrë pjesë asnjë këngëtarë i estradës. E çuditshme por ata thonë se “50 Cent”, nuk ka vlera. E sa kanë “vlera” këngëtarët e estradës tonë?/ telegrafi/