Aktorja Nicole Kidman, ka festuar të hënën lindjen e vajzës së saj në prani të familjes, të cilët kanë udhëtuar nga Australia për në SHBA për të qenë në afërsi të saj.

Sunday Rose Kidman Urban, është fëmija i parë i Kidman me burrin e saj Keith Urban, e cila u lind në Nashville, gjatë të hënës në mëngjes.

“Keith qëndroi në krah të Nicole, edhe nëna edhe foshnja janë shumë mirë”, ka thënë zëdhënësi i çiftit.

Nicole, e cila ka po ashtu edhe dy fëmijë të adoptuar me ish-burrin Tom Cruise, 15-vjeçaren Isabella dhe 13-vjeçarin Connor, së fundi kishte thënë se kishte qarë kur kishte parë për të parën herë foshnjën e saj nën ultrazë.