Trajneri i ri i kampionit të Bundesligës, Bayern Munich, Jurgen Klinsmann, dëshiron që për kapiten të ri të bavarezëve ta caktojë mbrojtësin Philipp Lahm.

Kjo përgjegjësi mbetet ende e hapur, pasi që kapiteni i deritanishëm, Oliver Kahn, i dha fund karrierës në fund të sezonit që lamë prapa.

Aktualisht, Klinsmann nuk ka përmendur se kush do ta marrë funksionin e drejtuesit pasi që pret kthimin e lojtarëve nga pushimi, megjithatë flitet se ai do të jetë Lahm.

“Nëse ma ofrojnë shiritin e kapitenit, nuk do të mendohem shumë. Më e rëndësishme është të fitoj besimin e ekipit dhe udhëheqësish dhe mendoj se do ta fitoj”, ka thënë Lahm.

Një emër tjetër që përmendet, është edhe Miroslav Klose.