Rafael Benitez ka pranuar se David Villa është në krye të dëshirave të tij, për të qenë zëvendës i Piter Crouch, por ai vetë është i vetëdijshëm se do të jetë shumë vështirë për Liverpoolin t’i arrijë shërbimet e sulmuesit.

Derisa pritet që Piter Crouch së shpejti ta kompletojë transferimin e tij tek Portsmotsmouth, Benitez beson se në përbërjen e të kuqve do të mbetet një vrimë, e cila do të duhet të plotësohet para fillimit të sezonit të ri.

“Kemi Torres, Voronin, Babel dhe Steven Gerrard, i cili mund të luajë edhe si një sulmues i dytë. Por, do të përpiqemi të sigurojmë edhe një opsion të ri. E njohim mirë David Villan. Ai është në listën tonë. Por, ndoshta do të jetë vështirë për ta realizuar një transferim të tillë”, ka thënë Benitez.

Sulmuesi i Valencias, David Villa, ishte golashënuesi më i mirë në Euro 2008, me katër gola.