Grupacioni i taksi vozitësve nuk përjashtojnë mundësinë e organizimit të protestave nesër, para Këshillit të Bashkisë, pikërisht ku do të votohet vendimi.

Grupacioni i taksistëve që përfshin 15 kompani taksish kundërshton propozim vendimin e Këshillit të Bashkisë së Shkupit për statusin e tyre që parashikon shpërbërjen e kompanive të taksive në grupacione me nga 30 taksistë të cilët do të veprojnë më vete. Vendimi i Bashkisë së Shkupit ka parashikuar unifikimin e ngjyrës së taksive, pagesën e tatimit për vetëreklamim e kompanive nëpër makina, ndërsa stacionet e taksive të mund t'i shfrytëzojnë vetëm kompanitë të cilat kanë të paktën 30 vetura në pronë të tyre. Këto kushte për momentin i plotësojnë vetëm dy kompani taksish të qytetit. Ndërsa propozim vendimi pritet të miratohet nesër, grupacioni i bënë thirrje Këshillit të Bashkisë ta rrëzojë atë, pasi ai është konfuz dhe favorizon vetëm dy kompani taksish në qytet.

“E rëndësishme është që vendimet e marra për funksionimin e shërbimit të taksive në qytet të Shkupit të jenë në funksion të interesave të gjithë shfrytëzuesve të saj. Vetëm kështu do të kemi vendim që do të respektohet dhe do të zgjasë e jo vendim i cili është hartuar në mënyrë sekrete për të favorizuar shpërbërjen e kompanive të taksive dhe favorizimin e një ose dy prej tyre”, tha kryetari i grupacionit të taksi vozitësve në Shkup Sasho Rajçanovski.

Grupacioni i taksi vozitësve nuk përjashtojnë mundësinë e organizimit të protestave nesër, para Këshillit të Bashkisë, pikërisht ku do të votohet vendimi. Nga grupacioni i taksive, thonë se në të ardhmen nuk përjashtohet mundësia e rritjes së çmimit të shërbimeve për shkak të rritjes së karburanteve.