Disa pëlqejnë të luajnë fort me flokët. Herë me ngjyrat, herë me krehjet e në disa raste edhe me gërshërën. Disa të tjera preferojnë të notojnë gjatë në të njëjtat ujëra, duke u qëndruar larg ekperimenteve e duke mbajtur për vite me radhë të njëjtin imazh. E megjithatë, nga fotoja në foto, ndryshimi duket. Po juve si ju pëlqejnë më shumë, kështu apo ashtu?

Paris Hilton

Nga një imazh prej kukulle, në një pamje të fortë chic, me flokë të shkurtër, që shpesh humbasin nën gjatësitë dhe ngjyrat e ndryshme të parukeve.

Rudina Magjistari

Bionde e përjetshme. Ka qenë i vetmi rast kur provoi për të parën herë të kthehej në brune. Nuk zgjati shumë. U josh përsëri nga e verdha e artë.


Victoria Beckham

Një jetë e re nga Anglia në Los Angelos dhe një prerje e re flokësh kryekëput ndryshe nga i mëparshmi. Tamam për t’u përshtatur me bulevardet chic të Hollivudit.




Katie Holmes

Është shoqe e ngushtë me Victoria-n. Ndaj orët e kaluara nën shoqërinë e saj e dhanë efektin menjëherë. Një gërshërë mbi flokë dhe një look i ri, larg imazhit prej adoleshenteje.

Kylie Minogue

Duket edhe më bukur me ngjyrën e theksuar të flokëve dhe me ondet e verdha më të shkurtra, që e bëjnë të duket po aq e ëmbël, veçse më e sofistikuar.


Natalie Portman

Të gjata, të shkurtra ose edhe të rruara. I ka provuar të gjitha. Por përfundimi ka qenë po ai: e parezistueshme.