Qeveria e Kosovės ka zgjedhur tė pėrfaqėsohet nė nivelin mė tė lartė tė mundshėm nė konferencėn e donatorėve qė do tė mbahet nė Bruksel. Tė mėrkurėn pėrmes Aeroportit Ndėrkombėtar tė Prishtinės pėr nė kėtė vend kanė fluturuar kryeministri Hashim Thaēi, zėvendėskryeministri Hajredin Kuēi, ministrat Ahmet Shala, Fatmir Limaj, Alush Gashi, e tė tjerė.
Në Bruksel tashmë ndodhen edhe shumica e gazetarëve, të cilët kanë udhëtuar përmes aeroportit të Shkupit, udhëtimin e të cilëve e ka sponsorizuar operatori i dytë i telefonisë mobile IPKO.
Qeveria e Kosovës shpreson që donatorët në këtë konferencë do të konfirmojnë ndihmën prej 1.4 miliard eurosh për të financuar projekte të ndryshme.
Dy ditë më parë ministri i Ekonomisë dhe Financave,Ahmet Shala, ka konfirmuar se në këtë konferencë do të paraqiten gjithsejtë 588 projekte të ndryshme.
Numri i projekteve është reduktuar dukshëm pasi organizata të ndryshme buxhetore dërguan në qeveri me qëllim prezantimi para donatorëve rreth 4 mijë projekte.
Mbështetje publike deri më tani për dhënien e fondeve kanë dhënë SHBA-të me 400 milion dollarë, Gjermani, Franca, Britani e Madhe, Suedia etj./Telegrafi/