Tejkalimi i nivelit tė grumbullimit tė tatimit pėr fitim pėr 61.6 %, tatimit mbi vlerėn e shtruar pėr 6.5 % dhe tatimit personal pėr 7 % kanė detyruar Qeverinė tė bėj rebalancimin e buxhetit pėr vitin 2008.
Ministri i Financave Trajko Sllaveski deklaroi se të ardhurat e përgjithshme në buxhet kanë shënuar rritje si rezultat i intensifikimit të aktiviteteve ekonomike dhe rritjes së prodhimit bruto vendor për 5.2 %. Sllaveski tha se të ardhurat buxhetore deri në fund të vitit priten të arrijnë në 2.3 miliardë euro.
"Në pajtim me projektimet e ndryshuara, niveli i të ardhurave buxhetore deri në fund të vitit 2008 do të arrijnë në 145 miliardë denarë. Kjo paraqet rritje për 12.4 % në krahasim me projektimet fillestare të buxhetit. Kjo është rezultat i efekteve të arritura në aktivitetet ekonomike në pjesën e parë të këtij viti, tha ministri i Financave Trajko Sllavevski. .
Ai deklaroi se të dalat në buxhet do të arrijnë nivelin 2.4 miliardë euro fonde të cilat do të shpenzohen për ndërtimin e objekteve të reja arsimore dhe përballimin e situatës me rritjen e vazhdueshme të çmimeve të prodhimeve.
"Të gjitha masat të cilat Qeveria i ka marrë në 6 muajt e kaluar janë të drejtuara për veprime antiinflatorë dhe zbutjen e pasojave nga rritja e vazhdueshme e çmimeve të prodhimeve", nënvizoi Sllavevski.
Duke sqaruar mënyrën e shpenzimit të fondeve ai tha se më tepër se 1.1 miliardë denarë do të shpenzohen për ndërtimin e shkollave të reja, financimin e arsimit të mesëm të detyrueshëm dhe për blerjen e pajisjeve të reja për mbikëqyrje për ministrinë e brendshme. Deficiti i buxhetit shtetëror pritet të arrijë në 5.6 miliardë denarë.
Nevzat Mamuti/alsat-m
