Klubi italian, Roma, është i gatshëm të dërgojë ofertë në drejtim të Real Madridit, për të kërkuar shërbimet e mesfushorit Julio Baptista.

Të mbushur me para nga shitja e Amantino Mancinit tek Interi, Roma së shpejti do të dërgojë një ofertë në tavolinën e Realit për Baptisën, për të cilin klubi spanjoll kërkon 10 milionë euro.

Corriere dello Sport thotë se trajneri i Romës, Luciano Spalletti, synon ta rikthejë Baptistën, në pozicionin e tij favorit, si sulmues, nëse transferimi realizohet.