Shqetesimet ne lidhje me stabilitetin e parase dhe sistemit financiar ne teresi jane analizuar nga ekspertet ne Banken e Shqiperise dhe keto dite do te behen publike per opinionin.

Burime nga BSH, njoftuan se, per vitin qe shkoi, por edhe per periudhen ne vazhdim rritja me ritme te shpejta e kreditimit dhe efektet qe mund te shfaqe kriza ne tregjet nderkombetare dhe ne tregun vendas jane dy shqetesimet themelore qe Banka e Shqiperise pritet ti lajmeroje ne mbledhjen e Keshillit te Mbikeqyrjes qe pritet te mblidhet kete te merkure. Ne fakt nje dokument per stabilitetin financiar publikohet dy here ne vit nga Banka e Shqiperise dhe ne nje fare menyre lajmeron publikun per rreziqet qe kanosin sistemin financiar dhe ate bankat ne vecanti. Brenda sektorit te kredise shqetesim mbetet fenomeni dhenies se kredise ne valute. Banka e Shqiperise ka lajmeruar se, per te menjanuar rrezikun per kthimin e kredive bankat e nivelit te dyte duhet te japin huane ne valuten qe klienti ka te ardhurat. Nese nje interesuar per te blere shpi me kredi e merr rrogen me leke edhe kredine duhet ta marre po ne kete monedhe. Ekspertet vleresojne se kthimi i kredise eshte me i garantuar kur merret ne monedhen qe ke te ardhurat. Per kete qellim, Banka e Shqiperise do te vendose se afermi ne kuadrin rregullativ mbikeqyres disa kerkesa te reja, te cilat do synojne ne menyre me te drejtperdrejte zbutjen e rreziqeve qe mban kredidhenia ne valute, vecanerisht ne ato raste kur kredia jepet per huamarres qe nuk gjenerojne te ardhura ne valute. Gjithashtu rritja me ritme te shpejta e kreditimit te ekonomise me mbi 50 per qind ne vit, kerkon me vemendje nga bankat per shkak se, me te njejtat ritme rriten edhe klientet qe nuk mund te kthejne kredine. Per te menjanuar situatat “shok” banka e Shqiperise ka vendosur te forcoje rolin e saj, duke krijuar nje njesi te specializuar, e cila do te fokusohet ne trajtimin e ceshtjeve te stabilitetit financiar. Gjithashtu nje risk per vitin ne vijim konsiderohet edhe ekspozimi, pavaresisht se jo shume i madh, i sistemit tone bankar ne ate nderkombetar. Kriza ne tregjet financiare te SHBA dhe Evropes mund te jape efektet zinxhir edhe ne tregun vendas.

Rreziqet qe kanosin bankat

-Rritja me ritme te shpejta e kreditimit te ekonomise me mbi 50 per qind ne vit, kerkon me vemendje nga bankat per shkak se, me te njejtat ritme rriten edhe klientet qe nuk mund te kthejne kredine.

-Kriza ne tregjet financiare te SHBA dhe Evropes mund te jape efektet zinxhir edhe ne tregun vendas. Sistemi bankar ne vendin tone dominohet nga Banka te huaja, te cilat jane kryesisht nga Evropa.

-Per te menjanuar rrezikun per kthimin e kredive bankat e nivelit te dyte duhet te japin huane ne valuten qe klienti ka te ardhurat. Ekspertet vleresojne se kthimi i kredise eshte me i garantuar kur merret ne monedhen qe ke te ardhurat.