VLORE-Vlora ėshtė nė fazėn e fundit tė pėr gatitjeve pėr fillimin e Festivalit Mesdhetar Folklorik, i cili zhvillohet pėr tė 6-in vit radhazi nė kėtė qytet, duke qenė njė nga aktivitetet mė tė rėndėsishme kulturore tė sezonit turistik.
Sipas Istref Dobit, drejtori i Qendrës Kulturore Vlorë, festivali do të zhvillohet në datat 29 korrik -2 gusht dhe në të, ndryshe nga festivalet paraardhëse, do të ketë një pjesëmarrje më të gjerë asamblesh. "Festivali financohet nga Bashkia e Vlorës me një shumë prej 3.5 milionë lekësh, por do të ketë edhe donacione të tjera më të vogla", - shton drejtori Dobi. Ndërsa deri tani, sipas burimeve për Gazetën, Ministria e Kulturës nuk ka kontribuar financiarisht për këtë aktivitet. E veçanta e Festivalit Mesdhetar Folklorik "Vlora-2008", këtë vit është se trupat pjesëmarrëse, më datë 3 të muajit të ardhshëm do të jenë edhe në Tiranë. Sipas Dobit, deri tani kanë konfirmuar pjesëmarrjen ansamblet folklorike të disa vendeve mesdhetare, si dhe ato nga trevat shqiptare në Ballkan dhe grupe brenda vendit. Mes tyre përmenden ansamblet nga Egjipti, Greqia, nga Turqia dy grupe, nga Maqedonia dy grupe, nga Mali i Zi dy grupe, Kosova, Italia, Izraeli, si dhe grupet folklorike nga Tirana, Vlora dhe të tjerë, për të cilat pritet konfirmimi. Shfaqjet do jepen në Pallatin e Sportit, Sheshin e Flamurit, pranë Monumentit të Pavarësisë dhe në skenën e Plazhit të Ri. Do të zhvillohen gjithashtu edhe panairet etnografike si dhe parada të kostumeve popullore të zonave nga do të jenë pjesëmarrësit. Gjatë ditëve të tij, pjesëmarrësit do të vizitojnë qendrat kulturore e historike të Vlorës e rrethinave.
(d.b/GazetaShqiptare/Balkanweb)
