Manchester United përfundimisht është i gatshëm të negociojë me Real Madridin për shitjen e sulmuesit portugez, Cristiano Ronaldo, ka shkruar sot sportivja Marca.

Familja Glazers, që bleu klubin në vitin 2004, është pajtuar të negociojë, pasi që frikohet se çmimi i anësorit portugez mund të zvogëlohet.

Flitet se Real Madrid ka përgatitur ofertë prej 85 milionë eurosh për 23-vjeçarin, i cili ka marrëveshje me United deri në vitin 2012, si dhe do t’i ofrojë atij një pagë prej 9 milionë eurosh në vit, për një marrëveshje pesëvjeçare.

Ronaldo është lidhur vazhdimisht me kampionin spanjoll që nga fundi i sezonit të kaluar.