Fadil Latifoviq gati 14 vite pėrpunon drurin dhe krijon vepra arti nė gjitha forma, tė cilat ekspozohen nėpėr tėrė botėn, sikurse nė ndėrtesėn e OKB-sė nė Nju Jork.
Fadil Latifoviq gati 14 vite përpunon drurin dhe krijon prodhime të ndryshme. Ai është i vetmi artist nga Evropa i cili prej rrënjës së drurit mund të sjellë eksponate të ndryshme në gjitha format. Veprat e tij gjenden nëpër tërë botën, sikurse në ndërtesën e OKB-së në Nju Jork.
"Druri është material djegës dhe duhet të thahet, nëse nuk është tharë mirë ajo reagon dhe çahet dhe blerësit nuk e pëlqejnë këtë. Bashkëshortja ime frikësohet shumë se do të përplasemi diku sepse unë tërë kohën shikoj figurat që kanë bërë drunjtë dhe nuk shikoj se ku po drejtoj makinën dhe unë mendoj se këtu është fillimi i historisë", deklaroi skulptori Fadil Latifoviq.
Prodhimet e Fadilit nuk kushtojnë shumë. Ai thotë se nëse i shet me çmim të lartë atëherë do t'i mbesin në shtëpi. Një vepër e shiti në Francë për 1700 euro. Fadili, nga ana tjetër, është shpallur qytetarë i nderit i qytetit të Srebrenicës në Bosnjë.
"Ambasadorit të Bosnjës, Kulenoviq, i kam dhuruar një skulpturë për Srebrenicën e cila ishte një asociacion prej 8000 viktimave me duar të ngritura lartë. Ambasadorit i dolën lot nga sytë dhe tani jam qytetar i nderit në Bosnjë", thga Fadil Latifoviq.
Ndërkohë Robert Manev është artist i cili përpunon skulptura nga teli i fortë. Më anë të skulpturave të tij, ai dëshiron të përfaqësojë vallet tradicionale maqedonase dhe spanjolle.
"Për vallen Teskoto më janë nevojitur rreth 2 javë sepse ka tre karaktere të posaçme ndërsa për Don Kishotin më janë nevojitur vetëm 10 ditë. Çmimi është prej 25 euro dhe më lartë ndërsa në Maqedoni tani për tani është shumë vështirë të jetohet nga ky profesion por kam internetin dhe në këtë mënyrë bëj shitje më të madhe", tha piktori Robert Manev.
Fadilin dhe Robertin i takuam në Ohër ku së bashku me dhjetëra kolegë të tyre tjerë. Ata kishin ekspozuar veprat e tyre në sheshin e vjetër. Nga shoqata Denica, të cilët janë organizatorë, paralajmërojë që një pjesë e tyre do të kanë mundësi të prezantojnë veprat e tyre në Londër më 8 shtator gjatë kohës së ditëve të kulturës maqedonase.
