Stresi dhe mundimet mund të shkaktojnë rënie të flokëve dhe tullaci, kanë treguar studimet e fundit të një grupi të hulumtuesve të Universitetit gjerman Luebeck.

Ekipi i mjekëve i udhëhequr nga Ralf Paus, ka vërtetuar se reaksionet hormonale të shkaktuara në situata stresuese, mund të çojnë deri në tullaci. Niveli i rritur i hormoneve, si kortizoli dhe testosteroni, të cilët krijohen në situata stresuese, ndikon në rrënjët e qimeve.

“Ende nuk kemi dëshmi përfundimtare. Por është e mundur që me relaksim të mund të ndihmohet shumë ruajtja e flokëve të shëndetshme”, ka thënë Paus.