RRIP - rrepist, interesant, perfekt... Të rëndësishëm ose jo, hijeshia dhe eleganca që japin te personat që i vënë, tregon se nuk janë vetëm të përdorshëm.

Një aksesor më tepër për të arritur kombinimin e duhur dhe perfeksionim në veshje…



Tendenca e një rripi që bie në sy që larg, me nuancat e tij apo me tokëza të formave dhe materialeve të ndryshme. Kontrasti që bën me veshjen, apo edhe më tepër.



Duket se rripi ka humbur misionin e një domosdoshmërie në atë që kryen. Ai më tepër shihet si një domosdoshmëri për të rënë në sy...
Duket se në modë janë rripat ngjyrë violë, portokalli, rozë dhe jo shumë të mëdhenj. Por sërish mbretërojnë rripat e zinj, me tokëza të shndritshme dhe sa më të mëdha.



Për të "çmendurat" pas rripave, duket se këta aksesorë janë shpenzimi i radhës, për blerjen e të cilëve ato nuk mendohen gjatë. Mjafton të kenë një më tepër në gardërobën e tyre.



Një shitëse butiku tregon preferencat e klientëve të saj, të cilët vazhdojnë të anojnë nga e zeza.



Mbeten sërish mjaft të përdorur rripat që, përveç ngjyrave të bukura, kanë marka apo emra të njohur.