Kryeministri Nikolla Gruevski tha se me lëshimin e kësaj pjesë të Qarkores trafiku në kryeqendër do të reduktohet për 20 %.

Kryeministri Gruevski lëshoi në përdorim pjesën veriore të Qarkores së Shkupit, gjatësia e së cilës arin 12.kilometra. Qarrkorja përbëhet prej dy pjesëve dhe është autostradë prej 26.7 kilometra me 4 korsi për vozitje, me pikënisje nga lagjja e Hipodromit, ndërsa përfundon në dalje të Kondovës ku lidhet me autostradën Shkup-Tetovë. Qarkorja kap vlerë të përgjithshme mbi 70 milion euro. Kryeministri Nikolla Gruevski deklaroi se deri në fund të vitit pritet të përfundojë edhe faza e tretë e qarrkores. Gruevski tha se me lëshimin e kësaj pjesë të Qarkores trafiku në kryeqendër do të reduktohet për 20 %.

"Investimi në infrastrukturë paraqet investim në klimën më të mirë të biznesit, ndikon në thithjen e investimeve të vendit dhe të huaja, ndikon në zhvillimin ekonomik, mundëson lëvizje të shpejtë të njerëzve dhe mallrave dhe në përgjithësi ndikon në përmirësimin e standardit të jetesës së qytetarëve", deklaroi kryeministri Nikolla Gruevski.

Natasha Vollkanovska, drejtoreshë e Fondit për rrugë magjistrale dhe rajonale tha se të gjithë do të kemi mundësi të lëvizim në Autostradën e re nëpërmjet Shkupit, duke iu shmangur trafikut të dendur në qytete."

Në nyjen e Autostradës në lagjen Hipodrom, Qarkorja lidhet me dy koridoret 8 dhe 10, ndërsa shpejtësia maksimale e lejuar në qarkore është 120 kilometra në orë. Investitor i këtij projekti është Fondi për rrugë magjistrale dhe rajonale, ndërsa fondet për financimin e tij janë siguruar nga Banka Investuese për rrindërtim dhe zhvillim e cila Maqedonisë i ka akorduar kredi në vlerë prej 32 milion euro, me grejs-periudhë prej 7 vitesh dhe afat kthimi prej 18 vitesh.